Pag-Omaw Sa Kagurangnan (Gugurang kan Bikol)

Ama Niamo

Na Yaon ka sa langit,

O Yaon nin mga yaon

Sambahon an ngaran Mo

Sa bilog na rona nin Ibálong

O Dyos, O Gugurang,

Ibahon man kami sa Kamurawayan.

O Boot nin mga boot

Ika an samuyang Kagboot

Kuyogon an Saimong Boot.

An samong kakanon

Sa aroaldaw

Itao samuya ngonyan

Siring man sa pagtao mi sa samuyang kairiba.

Tabangan asin damayan man kami

Siring kan samong

Pagtinarabang-tabangan asin pagdinaramaydamayan.

 Patawaron man kami

Sa pagkadasmag sa kasalan

Siring kan samong pagpatawad,

pag-ako giraray asin pag-alsa

sa arog ko man na igwang kaluyahan na sadiri.

Tawe kami nin kusog-boot

Na malabanan an sugot

Asin irayo kami sa maraot

Asin sa tata nin Gagámban.

Amen.

Nuestra Señora de Peñafrancia…                   Ipamibi mo kami.

Nuestra Señora de Bikolandia…                    Ipamibi mo kami.

Inang Mamomoton nin Ibálong…                  Ipamibi mo kami.

    Pag-omaw sa aki mong si Hesus…                                                

…Ngonyan asin sagkod pa man.

 El Divino Rostro…                                         Kaheraki kami.