ISANG MADAMDAMING LIHAM

(Kaibigan, sana mabungkal mo ang tunay kong damdamin na nais iparating. Umaasa ako, kaibigan!!!)

Kaibigan,

Dahil sa pag-ibig

Nais kong ibahagi ang abot-langit kong nararamdaman.

Hindi

Na nga kayang ipaliwanag ng mga salita na

Ako

Ay lubhang

Maligaya.

Labis-labis ang sarap ng pag-ibig. Di mo mapapansin

Ang sakit! Nais kong isigaw

Ang umaapaw kong kasiyahan

Mula sa kaibuturan ng aking puso.

Dito’y walang puwang

Ang sakit! Kung pwede lang

‘Wag nang matapos ang buhay ko. Tumigil n’ang lahat, wag lang

Tumigil ang tibok ng puso ko.

Lilipad na kami sa paraiso ng pag-ibig

Para makalaya na

Kami sa limitasyon ng mundo. Siya lang at

Ako sa

Lugar ng pag-ibig. Walang puwang doon ang

Pagluha at pangungulila.

Napakasaya ko talaga. Hindi

Ramdam ng puso ko ang pagsisisi

At kailanman ay di ako magsisisi

Dahil siya ang aking inibig

Kaya di ako nahihiyang isigaw na

Mahal na mahal ko siya!

Ramdam kong mahal na mahal niya din ako

Sa kabila

Ng aking mga pagkukulang at

Ng mga ipinaramdam

Ko sa kanyang mga kapalaluan. Tinanggap

Niya kahit masakit sa damdamin. Ngunit

Dahil sa tunay na pag-ibig, walang puwang ang poot.

Di ko maitanggi sa sarili ko

Na tunay ngang mahina ako. Swerte ko nga, tanggap niya ako.

“:Kailangan ko siya dahil mahal ko siya.” Ngunit

Gusto ko ding ipagmalaki niya ako kaya

Babawi ako!

Magbabago ako para sa kanya.

Nais kong malaman mo, kaibigan na walang kasing sa-

Ya ‘pag kasama ko siya. Ligaya at ri-

Kit ang dulot ng pag-ibig niya. Bwe-

Nas nga ako sapagkat nararamdaman ko ito. Parang pan-

Sit ang pag-ibig

Nakakapahaba ng buhay.

Di ko na kaya

Na mabuhay na wala ang pag-ibig at

Ang ipinaparamdam niya sa akin

Na wagas na pagmamahal.

Natatakot na akong

Mawala pa siya sa akin. Ayaw ko nang

Umibig pang muli.

Ang isang “siya” ay sapat na sa akin.

Ayaw ko na kaibigan

Na humanap pa ng iba.

Ang pag-ibig na ito ay pinapa-

ngalagaan ko ng husto. Noon pa man, ito ay hin-

tay ko na

at ngayo’y laking ligaya ko nang dumating siya

sa buhay ko.

(Tapos niyo na bang basahin? Paano ka nakiisa sa aking damdamin? Nakangiti ba o may bahid nang lungkot? Paki-usap basahin mong muli sa paraang puso ko na ang kausap mo.)

(Basahin sa paraang una ang pangalawa at salit-salitang daanan ang mga salitang itinakip lamang.)

(Paki-usap, huwag nang baguhin ang dating anyo. Nariyan nakasalalay ang tunay na kahulugan ng liham na ito.)