Dilim sa Dilim (Filipino Version ng Diklom sa Diklom)

(Orihinal na isinulat sa Bikol: Diklom sa Diklom (Bikol)

Isang madilim na panahon

Bumabagsak ang mga karayom

Kaitaasan dumadagundong

Mga kuryente’y inihuhulog

Na pilit humahati sa gabi

At kindat ng umaga ang sumasagi.

At sa isang dako naman

Nagbubuhol ang isang nilalang

Ng mga tumatagos na sakit

Na naiihaw sa kanyang dibdib

Isip at laman n’ya’y nabubugbog

Kun pwede nga lang ipaagos sa ilog.

Bigla namang paningin n’ya’y nagdilim

Inilabas ang dala-dalang talim

Pinaharurot sa pulsong nanlalambot

Habang lumuluha ang matang malungkot

Ang naghihingalong dugo’y bumuhos sa lupa

At napatid naman ang matamis na hininga.

Pagkatapos ng gabing nilakbay

Tumila na ang ulang malumanay

Ngunit nakahandusay pa rin ang isang nilalang

Luha ay nagbaha mula sa mga nagmamahal

Umakyat naman ang araw sa kaitaasan

Matamis na ngumingiti sa gitna ng kaliwanagan.